24 جەلتوقسان بۇگىن قازاقتىڭ قاھارمان ۇلى باۋىرجان مومىش ۇلىنىڭ تۋعان كۇنى. ەرلىگىمەن دە، ورلىگىمەن دە ارتىنا وشپەس ءىز قالدىرعان باتىر بابامىزدىڭ ابىرويى بارعان سايىن اسقاقتاي بەرەدى. ءبىز بۇگىن باتىر بۋىرجان مومىش ۇلىنىڭ قاناتتى سوزدەرىن وقىرماندارعا ۇسىنىپ وتىرمىز.
- قارابەت بولىپ قاشقانشا - قايرات كورسەتىپ ولگەن ارتىق.
- ءوز ۇلتىن سىيلاماۋ، ونى ماقتانىش ەتپەۋ - ساتقىندىق.
- .ءتىل تازالىعى ءۇشىن كۇرەس - ەشقاشان تولاستامايتىن ماڭگىلىك كۇرەس.
- ءسوز جىلاتا دا، جۇباتا دا الادى.
- انامىزدىڭ اق سۇتىمەن بويىمىزعا دارىعان انا ءتىلىمىزدى ۇمىتۋ - بۇكىل اتا بابامىزدى، بار تاريحىمىزدى ۇمىتۋ
- ءتىل - ۇلت قاسيەتىن ايقىندايتىن بەلگى، ۇلتتىق سالت-سانا وزەگى.
- اتا-انا ءقادىرىن بىلمەگەن ەل - ءقادىرىن بىلە الماس،
- باتىرلىق تاۋەكەل مەن اقىلدىڭ ەسەبىنەن شىعۋعا ءتيىس. تاۋەكەل كەيدە اقىلدى دا اقتاپ الادى. ال اقىلسىز تاۋەكەلدى ەشتەڭە دە اقتاپ الا المايدى
- وتىرىكتىڭ بالىن جالاپ ءتىرى جۇرگەنشە - شىندىقتىڭ ۋىن ءىشىپ ولگەن ارتىق
- يمەنىپ ءجۇرىپ كورگەن يگىلىكتەن - قارسىلاسىپ ءجۇرىپ كورگەن بەينەت ارتىق.
- كۇنشىلدىك - وزگەنىڭ مىقتىلىعى مەن ءوزىڭنىڭ السىزدىگىندى مويىنداۋدان تۋعان قۇبىلىس.
- ەرلىك - تايسالماس تاباندىلىق پەن قايىسپاس قايسارلىقتان شىعادى.
- ءورشىل رۋحتان - ولمەس ەرلىك تۋادى.
- ءۇمىت - ورگە تارتادى، ۇمىتسىزدىك - كورگە تارتادى.
- جەرگە - تەر توگىپ، حالىققا - قان توگىپ قىزمەت ەتۋدەن تايسالما!
- بەلدەسكەننىڭ - بەلىن سىندىر، تىرەسكەننىڭ - تىزەسىن بۇكتىر.
- ەپتىلىك تە - ەرلىك.
- قولباسشى بولساڭ سونداي بول - جوسىلىپ جاتقان جولداي بول
- وپاسىزدا وتان جوق. وتاندا وپاسىزعا ورىن جوق.
- جاۋىنگەرلىك تاربيە اسكەري كيىمدە ەمەس، جورگەكتە جاتىر
- سولداتتىڭ اناسى – وتاننىڭ اناسى.
- اقىلدى كىسىنىڭ ءسوزى دە، ءوزى دە سۇيكىمدى.
- جاقسى سولدات كومانديرگە ۇستاز، ال، جامان، اقىماق گەنەرال كوماندير تۇگىلى سولداتقا ۇستاز بولا المايدى.
- سوعىستىڭ زاڭى – وتە قاتال زاڭ.
- بىرەۋدىڭ قاتەسىن ورىنسىز كەشىرۋگە بولمايدى.
- قايراتىڭا ءادىسىڭدى جولداس ەت، ادىسىڭە اقىلىڭدى جولداس ەت.
- تاياقتان تايسالماساڭ، سەمسەردەن سەسكەنبەسەڭ، جەڭدىم دەي بەر...
- اركىم ءار جاعدايدا ولەدى، اقىماق تا، اقىلدى دا ولەدى. ءبىراق، قالاي ءولۋ باسقاشا.
- ءتارتىپ – ءتان ءۇشىن، ىنتىماق – جان ءۇشىن كەرەك.
پىكىر قالدىرۋ